Նեմրա – «Սև աչերով աղջիկ»

Nemra հայկական ռոք խումբը թողարկել է նոր տեսահոլովակ «Սև աչերով աղջիկ» երգի հիման վրա։ Տեսահոլովակի ռեժիսորը կրկին Մարիամ Գևորգյանն է, որի հետ խումբը բավականին հաճախ է համագործակցում։

«Սև աչերով աղջիկ» երգի տեսահոլովակը երեկվանից արդեն հասանելի է Nemra-ի յութուբյան ալիքում․ դիտումների թիվն այս պահի դրությամբ հասնում է 9 հազարի։ Եթե դեռ չեք հասցրել վայելել պրեմիերան,  առաջարկում ենք դա անել հենց հիմա և ցանկության դեպքում թողել նաև մեկնաբանություններ։

Nemra հայկական ռոք խումբը կազմավորվել է 2012 թ․ Երևանում։ Հանդես է գալիս հեղինակային անգլերեն երգերով` ալտերնատիվ ռոք ժանրում և հայկական ժողովրդական երգերի սեփական մեկնաբանություններով։