Յիհլավայի միջազգային փառատոնին «1489» ֆիլմի ցուցադրությունից առաջ հանդիսատեսը մեկ րոպե լռությամբ հարգել է 44-օրյա պատերազմի զոհերի հիշատակը
Written by Ռադիո Հայ on 28th October 2024
Հոկտեմբերի 27-ին չեխական Յիհլավայի միջազգային 28-րդ կինոփառատոնի հաղթանակած ֆիլմերի «Համաստեղություններ» բաժնում ցուցադրվեց բազմաթիվ հեղինակավոր կինոփառատոների մրցանակակիր Շողակաթ Վարդանյանի դեբյուտային «1489» ֆիլմը։ Հայտնում է «Օրեր»-ը։
Չնայած առավոտյան ժամին, 400 տեղանոց դահլիճը գրեթե լիովին զբաղեցրել էին ոչ միայն չեխ եւ հայ հանդիսականները, այլեւ օտար կինոսիրողները։ Ֆիլիմի ցուցադրությունից առաջ փառատոնի ծրագրերի պատասխանատու Վիկտոր Լիցեկը ընթերցել է ֆիլմի ռեժիսորի ուղարկած հատուկ ուղերձը, որով Շողակաթը խնդրել էր նաեւ մեկ րոպե լռությամբ հարգել Արցախի 44-օրյա պատերազմի զոհերի հիշատակը։ Դահլիճը ոտնկայս հարգել էր, ինչին հետեւել էր ֆիլմի ցուցադրությունը։
Այս ամիս ֆիլմը շարունակել է կինոփառատոնային կյանքը նաեւ ԱՄՆ-ում, Մեծ Բրիտանիայում, Ֆրանսիայում, Թայվանում, Շվեյցարիայում, Չինաստանում։
Մեկ շաբաթ առաջ «1489»-ը Լոս Անջելեսի հայտնի DOC LA կինոփառատոնում արժանացել էր Լավագույն վավերագրություն մրցանակին։
Մեկնաբանություններ
Continue reading
