Այվազովսկու բնապատկերը դարձել է Litfond աճուրդի թոփ-լոտը
Written by Ռադիո Հայ on 12th March 2025
Հայ ծովանկարիչ Հովհաննես Այվազովսկու «Առագաստանավը փոթորկի մեջ» բնանկարը, որը շրջանակված է հայտնի լուսանկարով, որտեղ նկարիչը պատկերած է մոլբերտի մոտ, դարձել է «Լիտֆոնդ» աճուրդի տան թոփ-լոտը: Նկարն աճուրդում վաճառվել է 3,6 մլն ռուբլով։ Հայտնում է kulturomania.ru կայքը։
Կտավի վրա պահպանվել է «Այվազովսկի 1887» թանաքով ստորագրությունը։ 1887 թվականին Այվազովսկին նշել է իր գեղարվեստական գործունեության 50-ամյակը: Այդ տարիներին ստեղծվել են ևս մի քանի աշխատանքներ, որոնք նման շրջանակներ են ունեցել: Բոլորը նախատեսված են եղել արվեստագետի ընկերներին ու ծանոթներին նվիրելու համար:
