«Վազգեն. Վերջին Սպարապետը» ֆիլմի ցուցադրության համար Կապանի քաղաքապետարանը չի տրամադրել մշակույթի տունը
Written by Ռադիո Հայ on 6th May 2025
Genetic Production-ից տեղեկանում ենք, որ Կապանի քաղաքապետարանը հրաժարվել է տրամադրել մշակույթի տան տարածքը՝ «Վազգեն. Վերջին Սպարապետը» ֆիլմի ցուցադրության համար։ Նշվում է, որ խոսքը վճարովի հիմունքներով ցուցադրության մասին է։
«ՈւՇԱԴՐՈՒԹՅՈՒՆ ‼️‼️‼️
Սիրելի կապանցիներ,
Կապանի քաղաքապետարանը հրաժարվել է «Վազգեն. Վերջին Սպարապետը» ֆիլմը ցուցադրելու համար տրամադրել մշակույթի տան տարածքը՝ վճարովի հիմունքներով, որի համար եղել է նախնական պայմանավորվածություն քաղաքապետարանի աշխատակիցների հետ…
Ցավում ենք սիրելի Կապանցիներ ջան , եւ ցավում ենք նաեւ մեր երկրի համար , որ նման արժեքներ ունեցող մարդիկ կան …
Ցավով տեղեկացնում ենք, որ Կապանում ցուցադրություն չի լինելու», – նշված է Genetic Production-ի գրառման մեջ:
Ի դեպ, ընկերությունից հայտնում են, որ «Վազգեն. վերջին Սպարապետը» ֆիլմը ցուցադրվելու է Մոսկվա քաղաքում։ Այն ցուցադրվել է նաև եվրոպական տարբեր երկրներում։
