Գրքի երևանյան միջազգային 8-րդ փառատոն
Written by Ռադիո Հայ on 28th August 2025
Տարվա ամենամեծ գրական իրադարձությունն է գալիս Երևան: Գրքի երևանյան միջազգային 8-րդ փառատոնը կանցկացվի սեպտեմբերի 5, 6, և 7-ին, Հանրապետության հրապարակում։ Տոնավաճառը կգործի ամեն օր՝ 12:00-ից մինչև 21:00-ն, իսկ միջոցառումները տեղի կունենան Հայաստանի պատմության թանգարանում և Հայաստանի ազգային պատկերասրահում։
Այս փառատոնին մասնակցելու համար մուտքն ազատ է, և բոլոր գրքի սիրահարները կարող են բացահայտել հարուստ տեսականին՝ մասնակցելով գրքի տոնավաճառին, որը տեղի կունենա Հայաստանի պատմության թանգարանի կամարաշարում և Հանրապետության հրապարակում։
Փառատոնի ընթացքում գրքի տոնավաճառի ամբողջ տեսականու համար կգործի 20-50% պարտադիր զեղչ, ինչը դարձնում է այս միջոցառումը անփոխարինելի հնարավորություն գրքեր ձեռք բերելու համար։
Ամբողջական ծրագիրը՝ այստեղ։
