Պարի միջազգային օրը Հայաստանում կնշվի նոր ձևաչափով
Written by Ռադիո Հայ on 2nd March 2026
ՅՈՒՆԵՍԿՕ-ի հովանու ներքո գործող Պարի միջազգային խորհրդի որոշմամբ՝ ապրիլի 29-ը հռչակվել է Պարի միջազգային օր։
Հայաստանում այս տարի տոնը կնշվի նոր ձևաչափով և աննախադեպ մասշտաբով։ Ազգային երգ ու պարի ակադեմիան, «Կարին» ավանդական երգ ու պարի խմբի գլխավորությամբ, նախաձեռնել է հանրային մեծ միջոցառում՝ նվիրված Պարի միջազգային օրվան։
Ապրիլի 29-ին, ժամը 19։00-ին, Երևանի Ազատության հրապարակում նախատեսվում է համազգային բաց տոնակատարություն։ Կազմակերպիչների խոսքով՝ միջոցառման նպատակն է մեկ հարթակում համախմբել տարբեր սերունդների ներկայացուցիչների և աշխարհին ներկայացնել հայկական ավանդական պարի բազմադարյա ժառանգությունը։
Միջոցառմանը կարող են մասնակցել բոլոր ցանկացողները՝ միանալով ազգային երգ ու պարի տոնին և արժևորելով հայկական մշակութային ինքնությունը։
Մեկնաբանություններ
Continue reading
