Հայկական թատրոնը՝ Բուլղարիայի առաջին պրոֆեսիոնալ բեմում
Written by Ռադիո Հայ on 2nd June 2026
Հունիսի 2-ից 15-ը Բուլղարիայի Պլովդիվ քաղաքում անցկացվում է The Black Box 20-րդ միջազգային փառատոնը, որի հոբելյանական պաշտոնական բացումն այսօր կազդարարի Երևանի Մնջախաղի պետական թատրոնի «Խալի» բեմադրությունը։
«Հատկանշական է, որ «Խալի»-ն կներկայացվի Պլովդիվի դրամատիկական թատրոնում, որը հիմնադրվել է 1881 թվականին և համարվում է Բուլղարիայի առաջին պրոֆեսիոնալ թատրոնը։
Ավելի քան 140 տարի այն եղել է երկրի մշակութային կյանքի կարևոր կենտրոններից մեկը՝ ձևավորելով բուլղարական թատերարվեստի պատմությունն ու հյուրընկալելով միջազգային հեղինակավոր նախագծեր»։
