Գյումրու դրամատիկական թատրոնի 154-րդ թատերաշրջանը կբացվի երեք նոր ներկայացումով
Written by Ռադիո Հայ on 15th August 2019
Գյումրու Վ. Աճեմյանի անվան պետական դրամատիկական թատրոնի 154-րդ թատերաշրջանը կբացվի սեպտեմբերի 20-ին, Սամվել Կոսյանի «Թռիչք» ներկայացումով. բեմադրությունը՝ ՀՀ ժողովրդական արտիստ Նիկոլայ Ծատուրյանի, գլխավոր դերում՝ Անի Խաչիկյան: Աճեմյանցիների 2-րդ նախագիծը՝ Գաբրիել Գարսիա Մարկեսի «Երկնագույն շան աչքերը» ներկայացումն է, գլխավոր դերում՝ Իննա Խոջամիրյան:
ԿԳՄՍ նախարարությունից տեղեկանում ենք, որ հոկտեմբերին մանկահասակ հանդիսատեսի դատին կհանձնվի Ա. Տոլստոյի համանուն հեքիաթի հիման վրա ստեղծված «Բուրատինոյի արկածները» երաժշտական-ներկայացումը: Բեմադրությունը՝ ՀՀ վաստակավոր արտիստ Հովհաննես Հովհաննիսյանի:
Նշենք, որ Գյումրու Վ. Աճեմյանի անվան պետական դրամատիկական թատրոնն ամռան ամիսներին իրականացրել է մի շարք վերանորոգման աշխատանքներ. վերանորոգվել են դահլիճի նստատեղերը, թարմացվել են գորգածածկը և մասնակի լուսային սարքավորումները:
