«Կապի՛ր ԻՆՁ Մահճակալին». սպասված պրեմիերա Ստանիսլավսկու անվան դրամատիկական թատրոնի բեմում
Written by Ռադիո Հայ on 19th February 2021
Փետրվարի 17-ին և 18-ին Ստանիսլավսկու անվան դրամատիկական թատրոնի բեմում վերջապես կայացավ երկար սպասված՝ ֆրանսիացի հեղինակ Ռաֆֆի Շարտի «Կապի´ր ինձ ջեռուցման համակարգին» պիեսի հայկական տարբերակը՝ «Կապի´ր ինձ մահճակալին» վերնագրով: 2020-ին ներկայացումը համավարակի պատճառով 2 անգամ հետաձգվել էր, հետո արդեն պատերազմ էր։
Կատակերգությունը բեմադրել է ռեժիսոր Կարո Բալյանը։ Ներկայացաման հերոսներին մարմնավորում են հայտնի և սիրված դերասաններ Անդրանիկ Հարությունյանը, Լևոն Հարությունյանը, Արա Սարգսյանը, Մխիթար Ավետիսյանը, Լիա Զախարյանը, Անի Պետրոսյանը և Սաթենիկ Հազարյանը։
Ներկայացման հերոսները վառ ու էմոցիոնալ անհատականություններ են: Յուրաքանչյուրն իր ճակատագրական դերակատարումն է ունենում մյուսի կյանքում՝ իր գործողություններով արժանանալով հանդիսատեսի բուռն արձագանքին:
