Ջութակահար Ֆյոդոր Ռուդինը չեղարկել է Հայաստան այցը

Written by on 27th February 2021

Հրավիրյալ մենակատար Ֆյոդոր Ռուդինը չեղարկել է այցը Հայաստան: Նա փետրվարի 27-ին պետք է ելույթ ունենար Հայաստանի պետական սիմֆոնիկ նվագախմբի հետ, «Արամ Խաչատրյան» համերգասրահում: Այս մասին հաղորդում է Հայաստանի պետական սիմֆոնիկ նվագախումբը։

«Երկրում ստեղծված իրավիճակով պայմանավորված՝ հրավիրյալ մենակատար Ֆյոդոր Ռուդինը չեղարկել է իր այցը Հայաստան, ինչի պատճառով հետաձգվում է նաև Հայաստանի պետական սիմֆոնիկ նվագախմբի համերգը, որ նախատեսվում էր փետրվարի 27-ին։ Ցավում ենք պատճառված անհարմարության համար և հայցում մեր սիրելի ունկնդիրների ներողամտությունը։

Միաժամանակ հայտնում ենք, որ բոլոր ձեռք բերված տոմսերը մնում են ուժի մեջ, իսկ համերգի անցկացման ամսաթիվը լրացուցիչ կհայտարարվի նվագախմբի սոցիալական մեդիայի հարթակներում։ Հակառակ դեպքում տոմսերը կարող են վերադարձվել դրանց ձեռք բերման կետեր»,-ասված է հաղորդագրությունում:


Մեկնաբանություններ

Պատասխանել

Ձեր էլ հասցեն չի հրապարակվի Պարտադիր լրացնել * նշվածը


Radio Hay Ռադիո Հայ

ԱՄԵՆԱՀԱՅԿԱԿԱՆ ՌԱԴԻՈ

Current track
TITLE
ARTIST

Background