Ամերիկահայ երկու կինեմատոգրաֆիստ՝ «Օսկար»-ի 93-րդ մրցանակաբաշխության հավակնորդների ցանկում
Written by Ռադիո Հայ on 16th March 2021
Նախօրեին հայտնի դարձավ «Օսկար» 93-րդ մրցանակաբաշխության հավակնորդների անունները։ Այս տարվա անվանացանկում կան ամերիկահայ երկու կինեմատոգրաֆիստների անուններ։ Մադլեն Շարաֆյանն առաջադրվել է Ամերիկյան կինոակադեմիայի մրցանակի «Բույն» ֆիլմի համար «Լավագույն կարճամետրաժ անիմացիոն ֆիլմ» անվանակարգում։ Մյուս թեկնածուն Սև Օհանյանն է՝ «Հուդան և Սև մեսիան» ֆիլմի պրոդյուսերներից մեկը, որը «Օսկարի» է առաջադրվել վեց, այդ թվում «լավագույն ֆիլմ» անվանակարգում։
Ըստ սյուժեի՝ հանցագործ Ուիլյամ Օ․ Նիլիը գործարք է կնքում հետաքննությունների դաշնային բյուրոյի հետ՝ խիստ պատժից խուսափելու համար։ Պայմանավորվածության համաձայն՝ նրան Չիկագո են ուղարկում, որ նա հետևի «Սև հովազներ» ռադիկալ կազմակերպության գործունեությանը, իսկ հնարավորության դեպքում ներգրավիի նրանց շարքերում։
