Այվազովսկուն և Տոլստոյին նվիրված ցուցահանդես` ռուսական թանգարանի իսպանական մասնաճյուղում
Written by Ռադիո Հայ on 3rd May 2021
«Պատերազմ և խաղաղություն ռուսական արվեստում» ցուցահանդեսը եվրոպացի այցելուներին կներկայացնի գեղանկարչության, քանդակագործության և դեկորատիվ – կիրառական արվեստի 180 աշխատանք։
Ռուսական պետական թանգարանը Մալագայի իր մասնաճյուղում բացել է երեք նոր ցուցահանդես, որոնք նվիրված են ծովային նկարիչներին, Լև Տոլստոյի ստեղծագործական գործունեությանը և ռուսական արվեստում պատերազմի և խաղաղության թեմային: Թանգարանի ղեկավարները նոր ցուցահանդեսների մասին խոսել են ուրբաթ ՏԱՍՍ-ում կայացած մամուլի ասուլիսում:
«Հովհաննես Այվազովսկին և ծովանկարիչները Ռուսաստանում» ցուցահանդեսում ընդգրկված են Ռուսաստանում ծովանկարչության հիմնադրի և ծովը պատկերած այլ վարպետների `Ալեքսեյ Բոգոլյուբովի, Գրիգորի Չերնեցովի, Ալեքսանդր Բեգգրովի շուրջ 40 աշխատանքներ:
«Լև Տոլստոյ. Կյանքի ճանապարհը» ցուցահանդեսում ներառված են գեղանկարչության, գրաֆիկայի և քանդակագործական շուրջ 40 աշխատանքներ` կապված գրողի կյանքին և ստեղծագործությանը և նրա հայտնի «Պատերազմ և խաղաղություն» վեպի հետ։
