Տիգրան Համասյանն արժանացել է «Deutscher Jazzpreis»-ի երկու մրցանակի
Written by Ռադիո Հայ on 4th June 2021
Հայազգի աշխարհահռչակ դաշնակահար և կոմպոզիտոր Տիգրան Համասյանն արժանացել է «Deutscher Jazzpreis»-ի երկու մրցանակի։ Մրցանակներից մեկը իր վերջին՝ «The Call Within ալբոմի համար է՝ «Artist of the Year, International» անվանակարգում, իսկ երկրորդը՝ «Piano/Keyboard» անվանակարգում: Այս մասին տեղեկանում ենք դաշնակահարի ֆեյսբուքյան էջից:
Տիգրան Համասյանը գրել է․
««Deutscher Jazzpreis»-ից երկու մրցանակ ստանալն իմ վերջին սկավառակի՝ «The Call Within»-ի համար՝ մեծ պատիվ է։ Ցանկանում եմ շնորհակալություն հայտնել «Deutscher Jazzpreis»-ի կազմակերպիչներին ու ժյուրիի անդամներին։ Շնորհակալություն եմ հայտնում ու շնորհավորում նաև տաղանդավոր երաժիշտներին, որոնք այս տարի առաջադրված են եղել և արժանացել են մրցանակների»։
Համասյանը գրառման վերջում գերմանացի երկրպագուներին խոստանացել է, որ շատ շուտով կհանդիպեն։
