#cover Նազո – Easy on me #NaruralReverb
Written by Ռադիո Հայ on 3rd March 2022
Երկարատև ընդմիջումից հետո Նազիկ Բաղդասարյանը(Nazo) «Natural reverb»-ի շրջանակում տեսահոլովակ է թողարկել։ Այս անգամ նա կատարում է՝ Ադելի երգացանկից “Easy on me” երգը։
Այս առիթով Նազոն իր ֆեյսբուքում գրել է․ «Դե վերջապես !!! Երկար դադարից հետո նոր հոլովակ, նոր բնական արձագանք, նոր երազանքի իրականացում, նոր ապրումներ: Այս անգամ ձեզ ենք ներկայացնում Ադելի երգացանկից “Easy on me” երգի իմ տարբերակը։ Երգը կենդանի կատարում է ինչպես արդեն գիտեք, նկարահանված է մեկ կադրով և իհարկե կենդանի նվագակցությամբ»։
Նշենք, որ երաժշտական աշխարհում reverb տերմինը կարևորագույն նշանակություն ունի վոկալի և գործիքի ձայնը հարստացնելու համար։ Իսկ «Natural reverb»-ը՝ բնական արձագանքը, ձայնագրման ստուդիաներից դուրս երաժշտական նախագիծ է՝ ճարտարապետական կառույցը ձայնագրման ստուդիայի վերածելու համար։
Երգչուհին՝ Նազիկ Բաղդասարյանը (Nazo) և երաժիշտ Գարիկ Գևորգին հայաստանյան հետաքրքիր ճարտարապետական կառույցները վերածում են ձայնագրման ստուդիայի՝ տեղում նվագելով և երգելով՝ ձայնագրելով տվյալ պահին լսվող ամեն ձայն:
