Անցկացվել է «Սևան» միջազգային 6-րդ երաժշտական փառատոնը
Written by Ռադիո Հայ on 9th August 2022
Օգոստոսի 6-7–ն անցկացվել է «Սևան» միջազգային 6-րդ երաժշտական փառատոնը։ Հայտնում են ԿԳՄՍՆ-ից։
Փառատոնի «Փոխենք երաժշտությամբ» կարգախոսն այս տարի Սևանի ափին համախմբել էր 18 երաժշտական խմբերի` Հայաստանից, Ռուսաստանից, Ավստրիայից, Ֆրանսիայից, ավելի քան 50 կամավորների և բազմաթիվ երաժշտասերների։
Նշենք, որ փառատոնը կազմակերպվում է 2015 թվականից։ Ծրագրի նպատակն է խթանել ժամանակակից երաժշտության տարածումը, Գեղարքունիքի մարզում զարգացնել մշակութային զբոսաշրջությունը, հոգատար վերաբերմունք ձևավորել Սևանա լճի նկատմամբ:
