ՊՐԵՄԻԵՐԱ | BRUNETTE | NO ENERGY
Written by Ռադիո Հայ on 19th September 2024
Հայաստանը «Եվրատեսիլ 2023»-ում ներկայացրած Էլեն Երեմյանը, որն առավել հայտնի է բեմական Բրյունետ անվամբ, թողարկել է նոր տեսահոլովակ, որը նկարահանված է «No Energy» երգի հիման վրա։ Խոսքերի և երաժշտության հեղինակը հենց ինքն է՝ Բրյունետը։
«No Energy» երգի դիտումներն աճում են վայրկյանների ընթացքում, դրա համար հոդվածում չենք նշի դիտումների ստույգ թիվն այս պահի դրությամբ, բայց կարևոր ենք համարում ընդգծել, որ մեկ օրվանից էլ քիչ ժամանակահատվածում այն դիտել են տասնյակ հազարավոր մարդիկ։ Մեկնաբանությունների հարցում ևս հետևորդները պահպանել են ակտիվությունը։
Բրյունետը Project12 խմբի անդամ է, այդ խմբով նրանք հանդես են գալիս տարբեր ակումբներում։ Բրյունետը նաև 2022 թվականի փետրվարին «Էն աղջիները» խմբի հետ թողարկել են «Մենք»-ը։ Նրանք «Էն աղջիները» խմբով շատ հաճախ դրսում նվագել են։ «Գիշեր»-ը թողարկվել է 2022 թվականի մարտին, որոշ ժամանակ անց հաջորդել է մյուսը՝ «Smoke Break»։ Այս երգը Հայաստանում արագ ճանաչում ստացավ։ Հինգերրորդ երգը՝ «Բաց կապույտ աչքերդ», թողարկվել է հունիսին։ Բրյունետը Եվրատեսիլին ներկայացավ իր հեղինակած երգով՝ «Future Lover»: Այս երգից քիչ ժամանակ հետո թողարկեց իր «Դիմակ» երգը։ Հանդիսանում է իր գրեթե բոլոր երգերի երաժշտության և բառերի հեղինակը։
