Արցախյան գաստրո-մշակութային փառատոն՝ Ոսկեվազում
Written by Ռադիո Հայ on 27th July 2026
2026 թվականի օգոստոսի 29-30-ին Արագածոտնի մարզի Ոսկեվազ գյուղում կանցկացվի Արցախյան գաստրո-մշակութային փառատոնը։
Փառատոնի կազմակերպիչները տարիներ շարունակ Արցախի Հաթերք գյուղում անցկացվող ժենգյալով հացի ամենամյա փառատոնների կազմակերպիչներն են։ Նրանց նախաձեռնությամբ Արցախյան խոհարարական ժառանգության պահպանման և տարածման ավանդույթը շարունակվում է արդեն նոր վայրում՝ ավելի մեծ մասշտաբով։
Միջոցառմանը կներկայանան արցախցի արտադրողներ և արցախյան բրենդներ, ինչպես նաև ձեռագործ աշխատանքներ։ Փառատոնի հյուրերին սպասվում է ավանդական արցախյան սեղան՝ ժենգյալով հացով, Արցախի փախլավայով, կուրկուտով և այլ ազգային ուտեստներով։
Փառատոնի ընթացքում կլինեն նաև հայկական ազգային երգ ու պար, որոնք միջոցառմանը կհաղորդեն ավանդական և ջերմ մթնոլորտ։
Կազմակերպիչների խոսքով՝ սա պարզապես սննդի փառատոն չէ, այլ Արցախի համերին, մշակույթին, ավանդույթներին ու մարդկանց նվիրված միջոցառում։
