Թամար
Ես Թամար Հովհաննիսյանն եմ, ծնվել եմ վարդագույն Երևանում, 1954 թվականին, բանաստեղծ Վահան Տերյանի անունը կրող փողոցում:
Ավարտել եմ Երևանի Գեղարվեստա-թատերական ինստիտուտի դերասանական բաժինը, այնուհետև ընդունվել Սունդուկյանի անվան ակադեմիական թատրոն: Առաջին ներկայացումս եղել է Վարդգես Պետրոսյանի «Ծանր է Հիպոկրատի գլխարկը» դրաման, որը բեմադրել էր հանճարեղ Վարդան Աճեմյանը: Եվ դրանից հետո դերեր, դերեր, դերեր․․․․ Ամուսնուս՝ Մհեր Մկրտչյանի հետ ստեղծել ենք Արտիստական թատրոնը, որը իր մահից հետո 1994 թվականից ղեկավարել եմ երկու տարի և այն վերանվանել եմ իր՝ Մհեր Մկրտչյանի անունով: Այս պահից սկսած նաև բեմադրություններ եմ արել: Հետո մեկնել եմ Միացյալ Նահանգներ ու Նյու Յորք- Նյու Ջըրսի Թեքեյան Մշակութային Միության մասնաճյուղին կից ստեղծել Մհեր Մկրտչյան թատերախումբ և թվով հինջ բեմադրություններ իրականացրել:
Հիմա Ռադիո Հայում վարում եմ իմ հեղինակային «Զրույց Թամար Հովհաննիսյանի հետ» հաղորդումը: Մեծ սիրով եմ անում այն, որը թեմատիկ սահմանափակումներ չունի, ունկնդրի հետ զրուցում եմ իմ նախընտրած թեմաների մասին: Ես ուրախ եմ, որ մնայուն գործ եմ անում, և այս զրույցները դեռ շատ սերունդներ կկրթի: Այսքանը իմ մասին:
You may also like
Ողջույն։ Ես Կալիպսո Կալի Ղանդիլյանն եմ։ Մարդկանց մեջ կարևորում եմ դինամիկ ինքնազարգացումը և կրեատիվությունը։ Սիրում եմ միշտ սովորել և ձեռք բերել նոր հմտություններ, որի վառ վկան մասնագիտություններիս շարքն է՝ հաղորդավար, վեբ դիզայներ, աուդիո մոնտաժող, SMM մասնագետ և էլի մի քանիսը։ Ռադիո Հայ ցանցում, հավատարիմ մնալով տարիներ շարունակ ռադիոկայանի կողմից որդեգրած սկզբունքներին, ապահովում եմ անկողմնակալ և անաչառ […]
Բարև, ես Յուրա Վահանյանն եմ, գիտեմ, որ անուն ազգանունս որևէ բան չի ասում ձեզ, բայց վստահ եմ՝ եթե ասեմ DJ Grig շատերդ կճանաչեք։ Ես մասնագիտությամբ հեռուստառեժիսոր եմ, բայց մեդիաաշխարհում ամենաշատը ռադիոհաղորդավարի գործն եմ սիրում։ Քանի որ սիրում եմ մարդկանց լավ տրամադրություն պարգևել, նախընտրում եմ ռադիոեթերից կատարել բոլորի երաժշտական ցանկությունները։ Խմիչքների շարքում ինձ համար ամենանախընտրելին կոկտեյլներն […]
