Իվետա Մուկուչյան – Հայաստանի աղջիկներ
Written by Ռադիո Հայ on 2nd February 2019
Եթե ձեզ հարցնեն, թե ինչ հոլովակ կարելի է դիտել՝ պատկերացում կազմելու հայկական վիզուալ արվեստի մասին, հանգիստ կարող եք ցույց տալ Իվետա Մուկուչյանի «Հայաստանի աղջիկներ»-ը։ Սկսենք նրանից, որ այն նկարահանվել է Հայաստանի ազգային պատկերասրահում, որտեղ Իվետայի և պարուհիների հագուստը ոգեշնչված է Մինաս Ավետիսյանի կտավներով, մեկ այլ տեսարան նկարահանված է Մեգերյան կարպետ Արմենիայում՝ ցուցադրելով հայկական գորգերը։
Ինչ վերաբերում է բովանդակությանը, ապա այստեղ ի ցույց է դրվում Հայաստանի աղջիկների նրբագեղությունը, հեզաճկունությունը, իսկ վերջում նույնիսկ խենթ ու խելառ կողմը։
Հայկական երգարվեստում շարունակում են ադապտացնել դասականների բանաստեղծությունները․ այս անգամ հերթը Հովհաննես Շիրազի համանուն բանաստեղծությունն էր։ Տեսահոլովակը լույս է տեսել 2018 թվականի նոյեմբերի 18-ին։
Երաժշտություն՝ Իվետա Մուկուչյան
Գործիքավորում՝ Lazzaro
Ռեժիսոր՝ Արեն Բայադյան
Մոնտաժ՝ Կարեն Մելքումյան
Խորեոգրաֆիա՝ Սոնա Յեսայան
Դիզայներ՝ Մերի Ստեփանյան
Վարսահարդարում՝ Նանո Ջուլհակյան
Դիմահարդարում՝ Աշխեն Նազարյան
