2019 թվականի փետրվար ամսվա ամենապահանջված գրքերն ըստ Ազգային գրադարանի
Written by Ռադիո Հայ on 4th March 2019
Հայաստանի ազգային գրադարանը հրապարակել է 2019 թվականի փետրվար ամսվա ամենապահանջված գրքերի ցանկը: Գրքասերների մոտ ամենապահանջված տասնյակի առաջին հորիզոնականը զբաղեցնում է Մարկ Մենսոնի «Թքած ունենալու նուրբ արվեստը» գիրքը:
Երկրորդ տեղում Վարդգես Պետրոսյանի «Ապրած և չապրած տարիներ» գիրքն է :
Երրորդ հորիզոնականը բաժին է ընկել Վազգեն Սարգսյանի «Էս ինչ եք անում, տղերք» գրքին:
Գրիգոր Գուրզադյանի «Մի սիրո պատմություն»-ը չորրորդ, Հերման Հեսսեի «Ուխտագնացություն արևելք» գիրքը հինգերորդ տեղն է զբաղեցրել:
Գրադարանի հրապարակած ցուցակի համաձայն վեցերորդ հորիզոնականում Հրանտ Մաթևոսյանի «Անտիպներ» գիրքն է, յոթերորդ հորիզոնականում Իմրե Կերտեսի «Անբախտություն»-ը, ութերորդ հորիզոնականում Մարսել Պրուստի «Կորուսյալ ժամանակի որոնումներում» գիրքն է:
Իններորդ և տասներորդ հորիզոնականները համապատասխանաբար զբաղեցրել են Անահիտ Թոփչյանի «Անհետացում» և Մարիաս Խավիերի «Այնքան սպիտակ սիրտը» ստեղծագործություններն են:
Աղբյուր՝ Armenpess.am
