Ամեն ամսվա վերջին շաբաթ օրը Մատենադարանի մուտքը ՀՀ քաղաքացիների համար կլինի անվճար

Յուրաքանչյուր ամսվա վերջին շաբաթ օրը Մատենադարանի մուտքը կլինի անվճար Հայաստանի Հանրապետության բոլոր քաղաքացիների համար:

Այս որոշումն ընդունվել է Մատենադարանի հոգաբարձուների խորհրդի՝ ապրիլի 6-ին կայացած նիստում եւ կգործի արդեն ընթացիկ ամսվա վերջին օրվանից՝ ապրիլի 27-ից:

Ավելի վաղ՝ նախորդ տարվա վերջին Մատենադարանում վերանայվել էր նաեւ գնային քաղաքականությունը: Որոշ դեպքերում տոմսերը թանկացել էին, որոշ դեպքերում էլ՝ անվճար ծառայությունների հնարավորությունը չեղարկվել:

Այժմ գործում են հետեւյալ սակագները.

– Ընդհանուր այցելությունների համար՝ 1500 դրամ

– Աշակերտների համար՝ 200 դրամ

– Ուսանողների համար (ուսանողական տոմսով)՝ 300 դրամ

– Բացատրություն հայերենով՝ 3000 դրամ

– 1-10 այցելուների բացատրություն օտար լեզուներով (անգլերեն, ֆրանսերեն, գերմաներեն, ռուսերեն, իտալերեն, իսպաներեն, լեհերենով) 3000 դրամ, 11 եւ ավելի այցելուների բացատրություն օտար լեզուներով (անգլերեն, ֆրանսերեն, գերմաներեն, ռուսերեն, իտալերեն, իսպաներեն)՝ 5000 դրամ

-Նկարահանումներ (առանց լույսի)՝ 2500 դրամ

Տարվա բոլոր օրերին անվճար այցելության արտոնություն է սահմանված հետեւյալ խմբերի համար`

-hատուկ դպրոցների սաներ, թոշակառուներ, զինծառայողներ, Արցախի ազատամարտի մասնակիցներ, զոհված ազատամարտիկների ընտանիքների անդամներ, ԻԿՕՄ-ի (Թանգարանների միջազգային կոմիտե) անդամներ, մինչեւ 6 տարեկան երեխաներ (համապատասխան փաստաթղթերով): Ռադիոգիդերը տրամադրվում են անվճար 15 հոգանոց ու ավելի խմբերին՝ տնօրենի հատուկ կարգադրության դեպքում: Արտաժամյա եւ ոչ աշխատանքային օրերի սպասարկումը վճարվում է կրկնակի` առնվազն 50 այցելուի դեպքում:

Աղբյուր՝ Armtimes.com