Տարբեր երկրներ ներկայացնող երեք հայ կատարող՝ «Մանկական Նոր ալիք»-ում

Մոսկվայում ընտրել են «Մանկական Նոր ալիք-2019» երգի միջազգային մրցույթի  եզրափակիչ փուլ անցած մասնակիցներին։ Ժյուրին ընտրել է 12 մասնակցի 10 երկրից՝ Հայաստան, Աբխազիա, Ադրբեջան, Բելառուս, Բրիտանիա,  Լիտվա, Մալթա, Ուզբեկստան, Ռուսաստան, Ղազախստան։

Ընդհանուր առմամբ, ընտրական փուլին մասնակցել է 18 երկրից 90 կատարող։

Մրցույթի պաշտոնական կայքից տեղեկանում ենք, որ հայազգի երեք  մասնակից ներկայացված է լինելու եզրափակչում։ Նրանք նեկայացնում են տարբեր երկրներ.  Հայաստանը մրցույթին կներկայացնի Կարինա Իգիթյանը, Աբխազիան՝  Սառա Աբրահամյանը, Մեծ Բրիտանիան՝  Էրիկ Անտոնյանը։

Մրցույթը կայանալու է մայիսի 30-31-ին Ղրիմում։