Արամ MP3 — Ալաբալանիցա

Written by on 1st May 2019

Արամը շարունակում է իր ռետրո-հաղթարշավը՝ մեծ ներդրում ունենալով հայկական ակումբների պարային թրեքերի ավելացմամբ։

«Ալաբալանիցա» երգն ու տեսահոլովակն, ամբողջությամբ փոխանցում են 90-ականների մթնոլորտը, որն այդքան էլ հին չի թվում կամ մեր իրականությունից հեռու․ ետ են վերադարձել այդ ժամանակների նորաձևությունն ու տրամադրությունները։

Նվազագույն դեկորացիաներով տաղավարներում նկարահանված այս տեսահոլովակի գլխավոր տարրը նեոնային լույսերն են, որոնք «հետապնդում» են բոլոր պարողներին՝ թարմություն հաղորդելով նախորդ դարաշրջանի միջավայրին։ Դե իսկ այս հոլովակում նույնպես չի մոռացվել նաև երգչի նախորդ հիթերում երևացող Պոնչը։

Այստեղ կգտնեք կասետաներով նվագարկիչներ, հայելիների առաջ պարողներ ու շատերիս մանկության մաս կազմող Դոնալդ բադիկին։

Տեսահոլովակի պրեմիերան տեղի է ունեցել դեռ ապրիլի 5-ին, որի ռեժիսորն Արամայիս Հայրապետյանն է, իսկ անդադար ցուցադրվող պարերի բեմադրողը՝ Հովհաննես Սարգսյանը։

Բառեր՝ Ավետ Բարսեղյան
Երաժշտություն՝ Արամ MP3

Հեղինակ՝ Քրիստիան Գինոսյան


Մեկնաբանություններ

Պատասխանել

Ձեր էլ հասցեն չի հրապարակվի Պարտադիր լրացնել * նշվածը


Radio Hay Ռադիո Հայ

ԱՄԵՆԱՀԱՅԿԱԿԱՆ ՌԱԴԻՈ

Current track
TITLE
ARTIST