Հանրահայտ թավջութակահար Միշա Մայսկին հանդես կգա Երևանում
Written by Ռադիո Հայ on 24th February 2021
Փետրվարի 28-ին՝ ժամը 19:00-ին, Արամ Խաչատրյան համերգասրահում տեղի կունենա լեգենդար թավջութակահար Միշա Մայսկիի համերգը Հայաստանի ազգային ֆիլհարմոնիկ նվագախմբի հետ, որը կղեկավարի դիրիժոր Էդուարդ Թոփչյանը։
Համերգի ընթացքում կհնչեն Չայկովսկու Նոկտյուրնը՝ գրված թավջութակի և նվագախմբի համար, Բրուխ՝ Kol Nidrei, Սեն-Սանսի Թիվ 1 թավջութակի կոնցերտը և Բեթհովենի յոթերորդ սիմֆոնիան:
Նշենք, որ թավջութակահար Միշա Մայսկին երաժշտությամբ է սկսել զբաղվել դեռ մանկուց՝ 8 տարեկանից, դառնալով միակ երաժիշտը, ով ուսանել է Մ. Ռոստրոպովիչի և Գ. Պյատիգորսկու մոտ, հայտնում է նվագախմբի ֆեյսբուքյան էջը։
Երաժիշտը ծնվել է Ռիգայում, բազմաթիվ միջազգային մրցույթների դափնեկիր է:
