Ուկրաինացիները ֆիլմ են նկարահանում հայ կինոռեժիսոր, սցենարիստ Ռոման Բալայանի մասին

Օրեր շարունակ Հայաստանում և Արցախում էր ուկրաինացի կինեմատոգրաֆիստների խումբը: Նրանք ֆիլմ են նկարահանում տաղանդավոր կինոռեժիսոր, պրոդյուսեր, սցենարիստ, թե՛ Ուկրաինայում, թե՛ Հայաստանում մեծ սեր և ճանաչում վայելով գործիչ Ռոման Բալայանի մասին: Այս մասին տեղեկանում ենք Կինեմատոգրաֆիստների միությունից։

Նրանք նկարահանումներ իրականացրեցին Երևանում՝ Փարաջանովի թանգարանում, Պանթեոնում, երևանյան փողոցներում, սրճարաններում ու ռեստորաններում, Երևանի կոնյակի գործարանում և բոլոր այն վայրերում, ուր սիրում է լինել Ռոման Բալայանը իր երևանյան օրերին: Ուկրաինացիները ուղևորվեցին նաև կինոռեժիսորի հայրենի գյուղ, որը գտնվում է Արցախում, և հանդիպեցին նրա ազգականների հետ:

Նշենք, որ ուկրաինացի կինոգործիչները որոշել են Ռոման Բալայանի ծննդյան 80-ամյակի առթիվ ֆիլմով անդրադառնալ նրա կյանքին, ապրած տարիներին, կինոյին ու նրա գործունեությանը:

Սպասենք ֆիլմին 🙂