Կոմպոզիտոր Սևան Ղարիբյանը Իսպանիայի թագուհու կողմից արժանացել է «Լավագույն ուսանող» դիպլոմի
Written by Ռադիո Հայ on 24th June 2021
Սևան Ղարիբյանը Իսպանիայի թագուհի Սոֆիայի կողմից արժանացել է «Լավագույն ուսանող» դիպլոմի։ Այս մասին հայտնում է Իսպանիայում ՀՀ դեսպանությունը։
«Մեր հայրենակից, կոմպոզիտոր, Իսպանիայի Թագուհի Սոֆիայի անվան բարձրագույն երաժշտական դպրոցի ուսանող Սևան Ղարիբյանը հունիսի 22-ին հանդիսավոր արարողության ընթացքում թագուհի Սոֆիայի կողմից արժանացել է «Լավագույն ուսանող» դիպլոմի։ Սևան Ղարիբյանը Ալբենիս հիմնադրամի կրթաթոշակառու է և բազմաթիվ միջազգային մրցույթների դափնեկիր»,-նշում են ՀՀ դեսպանությունից։
