«Ոսկե ծիրան» կինոփառատոնը կկայանա հոկտեմբերին

Written by on 30th June 2021

Երևանի «Ոսկե ծիրան» 18-րդ միջազգային կինոփառատոնը կկայանա հոկտեմբերի 3-10: Այս մասին Panorama.am-ը տեղեկացավ փառատոնի մամուլի գրասենյակի ղեկավար Ռոզա Գրիգորյանից:

Փառատոնի անցկացման ձևաչափի, ծրագրերի, հյուրերի մասին մանրամասներ դեռ հայտնի չեն:

Հիշեցնենք, որ «Ոսկե ծիրան» փառատոնն իր ողջ պատմության ընթացքում մշտապես կայացել է հուլիսին, սակայն բացառություն էր 2020-ը: «Ոսկե ծիրան» 17-րդ միջազգային կինոփառատոնը կայացել էր նոյեմբերին՝ պայմանավորված համավարակային իրավիճակով:

Իսկ արդեն 2020 թ. նոյեմբերին 1-ից՝ «Նվիրում Արցախին» նախագծով, «Ոսկե ծիրան» միջազգային կինոփառատոնը՝ 17-րդ փառատոնի ծրագրերի շրջանակում, միացել էր «Հայաստան» համահայկական հիմնադրամի «Մենք ենք, մեր սահմանները. բոլորս Արցախի համար» համազգային դրամահավաքին, և մինչև նոյեմբերի 30-ը տարբեր ծրագրերի շարունակական իրականացմամբ իր ներդրումն ունեցել համազգային դրամահավաքի ընթացքին:


Մեկնաբանություններ

Պատասխանել

Ձեր էլ հասցեն չի հրապարակվի Պարտադիր լրացնել * նշվածը


Radio Hay Ռադիո Հայ

ԱՄԵՆԱՀԱՅԿԱԿԱՆ ՌԱԴԻՈ

Current track
TITLE
ARTIST

Background