«Ես միայն երազելու իրավունք ունեմ»
Written by Ռադիո Հայ on 24th March 2022
Մարտի 22-ին, Ֆրանսիայի Մոն-դե-Մարսան քաղաքի Դեսպիո Վլերիկ թանգարանում, «Երազ» փառատոնի շրջանակներում, բացվել է Սերգեյ Փարաջանովի ստեղծագործությունների՝ «Ես միայն երազելու իրավունք ունեմ» խորագիրը կրող ցուցահանդեսը, որը երեք ամիսների ընթացքում Փարաջանովի արվեստը կներկայացնի ոչ միայն ֆրանսիացիներին, այլ նաև աշխարհի տարբեր ծայրերից քաղաք ժամանող հարյուրավոր օտարազգի հյուրերին։ Այս մասին հայտնում են Փարաջանովի թանգարանից։
Սերգեյ Փարաջանովի թանգարանից նշում են, որ ցուցահանդեսը «ծնվել է» մոտ մեկ տարի տևած հայ-ֆրանսիական սերտ համագործակցության արդյունքում, որը ժամանակի ընթացքում վերածվել է ջերմ բարեկամության Սերգեյ Փարաջանովի և Դեսպիո Վլերիկ թանգարանների միջև։
