France 2 հեռուստաընկերության եթերում հնչել է Հայաստանի Հանրապետության օրհներգը
Written by Ռադիո Հայ on 6th September 2023
France 2 հեռուստաընկերության եթերում հեռարձակվող հեղինակավոր «Grand Echiquier» հաղորդաշարի՝ Հայաստանին նվիրված հատուկ թողարկման ավարտին հնչել է Հայաստանի Հանրապետության օրհներգը։ Այս մասին տեղեկանում ենք Հայաստանում Ֆրանսիայի դեսպանությունից։
Նշվում է, որ թողարկման նկարահանումները տեղի են ունեցել Ֆրանսիայի ամենանշանավոր կոթողներից մեկի` Վերսալյան պալատի Արքայական օպերայի համերգասրահում։
Կատարող, սոպրանո` Ռուզան Մանթաշյան, նվագակցությամբ` թավջութակահար՝ Աստղիկ Սիրանոսյանի և Վերսալի Արքայական օպերայի նվագախմբի։
