«ՆՌԱՆԷ» ֆոլք-ռոք բենդ
Written by Ռադիո Հայ on 18th December 2023
«ՆՌԱՆԷ» ֆոլք-ռոք բենդը կազմավորվել է 2016 թվականին։ Գյումրեցի երիտասարդների մի խումբ ստեղծելով այս երաժշտական խումբը, նպատակ է դրել իր առաջ ունենալ իր ներդրումը Գյումրու մշակութային կյանքի զարգացման գործում, ինչպես նաև նոր երաժշտական և մշակութային մոտեցումներ ձևավորել երաժշտասեր հանրության շերտերում:
«ՆՌԱՆԷ» բենդ երիտասարդական երաժշտական խմբին այս ժամանակահատվածում հաջողվել է գրավել իր ուրույն տեղը երաժշտական աշխարհում: Խմբում ներգրավված են եռանդուն, տաղանդավոր, նպատակասլաց երիտասարդ-երաժիշտներ, ովքեր, անկասկած, հանդիսանում են նոր Հայաստանի մշակութային վերելքի երաշխիքը: Նրանք են՝ Աննա Քոչարյանը, Քնարիկ Ստեփանյանը, Քնարիկ Խաչատրյանը, Վլադիմիր Ոսկանյանը, Հովհաննես Գալստյանը, Սամվել Պետրոսյանը և Արմեն Քոչարյանը։
«Նռանէ»-բենդը իր գործունեությամբ փորձում է համախմբել երաժշտասեր հասարակությանը, ներկայացնելով հայկական և այլ ազգերի երաժշտությունը յուրովի մեկնաբանմամբ: Խմբի ելույթները մշտապես արժանանում հանդիսատեսի բարձր գնահատականին:
Իր գործունեության ընթացքում, խումբը հանդիպել է բազմաթիվ դժվարությունների, որոնք մասամբ հաղթահարել է ինքնուրյուն: Սակայն խումբը դեռևս ունի աջակցության կարիք:
Խմբի երգադարանին կարող եք ծանոթանալ այս հղումով։
